Yunanıstanda meşə yanğınında bir nəfər ölüb

Yunanıstanda meşə yanğını nəticəsində azı bir nəfər ölüb.

InterPress.ge xəbər verir ki, bu barədə Yunanıstan mətbuatı məlumat yayıb.

Yanğınsöndürmə xidmətlərinin məlumatına görə, mərhumun cəsədi Vrilisi şəhərinin kənarındakı yanan binalardan birində aşkar edilib. 

Hökumət nümayəndəsi bildirib ki, tüstüdən boğulma nəticəsində 18 nəfər xəsarət alıb. 

Məlumat üçün bildirək ki, yanğınsöndürənlər artıq üçüncü gündür ki, Yunanıstanın paytaxtı Afina yaxınlığında meşə yanğını ilə mübarizə aparır. Yunanıstanın Avropa İttifaqına kömək üçün müraciətindən sonra Avropa Birliyi ölkələri dünən Yunanıstan yanğınsöndürənlərinə kömək ediblər.