Marneuli-Bolnisi magistralında ağır yol qəzası - Yaralılar var - FOTO

Marneuli-Bolnisi magistral yolunun Kolayır kəndi ərazisində ağır yol qəzası baş verib.

InterPress.ge xəbər portalına daxil olan məlumata görə, BMW markalı avtomobil ötmə əməliyyatını yerinə yetirə bilməyib, nəticədə yoldan çıxaraq yol kənarındakı məhəccərə çırpılıb.

Əldə etdiyimiz məlumata görə, avtomobildə olan üç nəfər yaralanıb.

Hazırda hadisə yerinə təcili yardım çağırılıb, yaralılar xəstəxanaya aparılır.

Qəza yerinə polis əməkdaşları səfərbər olunub.