Bu gün parlamentdə baş prokurorluğa namizəd dinləniləcək

Bu gün parlamentdə Baş prokuror vəzifəsinə Prokurorluq Şurası tərəfindən namizədliyi irəli sürülmüş Giorgi Qabitaşvili dinləniləcək.

InterPress.ge xəbər verir ki, Qabitaşvilinin dinləməsi Hüquq Məsələləri Komitəsində keçiriləcək, bundan sonra parlamentin növbədənkənar iclasında baş prokuror vəzifəsinə namizədin seçilməsi məsələsi müzakirə olunacaq.

Qeyd edək ki, prokurorluq Şurasında keçirilən müsahibə nəticəsində Qabitaşvili 11 səs toplayıb – bu isə Şuranın tam tərkibinin üçdə ikisindən çoxunun dəstəyi deməkdir.

Altı il müddətinə yeni baş prokurorun seçilməsi üçün parlamentin 76 deputatının səsi tələb olunur.