Gürcüstanda ağır yol qəzası: İçərisində 5 nəfər olan avtomobil dərəyə aşdı - ölən var

Borjomidə Zanavi - Kortanet yolunda avtomobil qəzası baş verib.

InterPress.ge-nin yerli media istinadən verdiyi məlumata görə, Borjomidən Tbilisi istiqamətilə hərəkət edən yüngül avtomobil dərəyə aşıb.

Məlumata görə, avtomobildə azyaşlı uşaq olmaqla 5 nəfər olub. 7 yaşlı uşaq həyatını itirib. Məlumatı Geohospitalsın Borjomidəki klinikası təsdiqləyir.

Avtomobildə ailə üzvləri ehtimal edilən digər 4 nəfər isə klinikada həkimlərin nəzarəti altındadırlar.

Klinika nümayəndəsi İrakli Diasamidzenin məlumatına görə, onların həyati təhlükələri yoxdur.