Avstraliya Ukraynaya 250 milyon dollarlıq hərbi yardım ayıracaq

Avstraliya hökuməti Ukraynaya daha 250 milyon ABŞ dollar dəyərində hərbi yardım etməyi planlaşdırır.

InterPress.ge xəbər verir ki, bu barədə “ABC News” məlumat yayıb.

Nəşrin məlumatına görə, Avstraliyanın baş nazirinin müavini və müdafiə naziri Riçard Marles NATO-nun Vaşinqtonda keçirilən sammitinin yekun günündə yardım paketini açıqlayıb.

ABC News məlumatında deyilir ki, Avstraliya və NATO üzvü olmayan digər Asiya-Sakit okean regionu ölkələri Çinin regiona təcavüzündən qorxaraq alyansla əlaqələri gücləndirmək üçün nümayəndə heyətləri göndərib.