10 
Iyl
2024
18:46
157

ABŞ dövlət katibinin müavini Gürcüstana səfər edəcək

İyulun 10-17-də ABŞ dövlət katibinin demokratiya və insan haqları üzrə müavini Gürcüstana səfər edəcək.

InterPress.ge xəbər verir ki, bu barədə Dövlət Departamentinin saytında məlumat yerləşdirilib və yazılıb ki, səfər çərçivəsində Uzra Zeia Gürcüstanda demokratik idarəçilik, korrupsiyaya qarşı mübarizə, mətbuat azadlığı, marginallaşmış və həssas qruplar haqqında hökumət, vətəndaş cəmiyyəti və media nümayəndələri ilə görüşəcək.

Dövlət Departamenti bildirib ki, Entoni Blinkenin müavini ABŞ-ın “xarici təsir” qanunu, digər qeyri-liberal qanunvericilik və Gürcüstan hökumətinin zərərli ritorikası ilə bağlı ciddi narahatlığını vurğulayacaq. 

"O, açıq şəkildə deyəcək ki, hökumətin qeyri-demokratik davranışı və ABŞ-la bağlı dezinformasiya uzun illər davam edən münasibətlərimizə xələl gətirib. Həmçinin, dövlət katibinin müavini ABŞ-ın Gürcüstanın suverenliyi və ərazi bütövlüyünə sarsılmaz dəstəyini, Gürcüstan əhalisinin Avro-Atlantik inteqrasiyasına dəstəyini vurğulayacaq və Gürcüstanın ABŞ-dan 32 illik tərəfdaşlıq müddətində aldığı yardımla bağlı danışacaq, həmçinin azad və ədalətli seçkilərin və güclü vətəndaş cəmiyyətinin mövcudluğunun vacibliyini bir daha vurğulayacaq”. 

Onların sözlərinə görə, səfər çərçivəsində Uzra Zeia İrəvana da gedəcək.

Bizimlə əlaqə saxlayın