Gürcüstanın futbol yığması İspaniya yığması ilə Avropa çempionatının 1/8 final mərhələsinin oyununu keçirəcək.
InterPress.ge xəbər verir ki, qarşılaşma bu gün Tbilisi vaxtı ilə saat 23:00-da baş tutacaq.
Xatırladırıq ki, Gürcüstan millisi iyunun 18-də Avropa çempionatında ilk oyununu Türkiyəyə qarşı keçirib və 1:3 hesabı ilə uduzub, iyunun 22-də isə Çexiya millisi ilə görüş 1:1 hesablı bərabərliklə başa çatıb və Avropa çempionatında ilk xalını qazanıb.
İyunun 26-da Gürcüstan millisi qrup mərhələsinin üçüncü oyununda Portuqaliyaya 2:0 hesabı ilə qalib gələrək ilk Avropa çempionatında pley-offa yüksəlib.
