Bu gün Mixeil Saakaşvilinin məhkəmə prosesi keçiriləcək

Bu gün Gürcüstanın keçmiş prezidenti Mixail Saakaşvili və onunla birlikdə noyabrın 7-də iş üzrə təqsirləndirilən sabiq yüksək vəzifəli şəxslərin məhkəməsi keçiriləcək.

InterPress.ge xəbər verir ki, iclas Tbilisi Şəhər Məhkəməsində saat 12:00-a təyin edilib.

“Vivamed” klinikasından Mixail Saakaşvili yəqin ki, əvvəlki iclaslarda olduğu kimi distant rejimdə məhkəmə prosesində iştirak edəcək.

Bugünkü prosesdə ittiham tərəfinin dəlilləri araşdırılacaq.

Məlumat üçün bildirək ki, dövlət ittihamnaməsində Mixail Saakaşvili 2007-ci il noyabrın 7-də etirazçılara kütləvi basqın etməkdə, “İmedi” teleşirkətinə soxulmaqda və Badri Patarkatsişviliyə məxsus əmlakı cinayət yolu ilə ələ keçirməkdə ittiham olunur.

Gürcüstanın keçmiş prezidentinə qarşı Gürcüstan Cinayət Məcəlləsinin 333-cü maddəsinin üçüncü hissəsi ilə ittiham irəli sürülüb, bu, fiziki və ya hüquqi şəxsin, cəmiyyətin hüquqlarının və ya qanuni mənafelərinin əhəmiyyətli dərəcədə pozulmasına səbəb olan vəzifə səlahiyyətlərini aşmanı nəzərdə tutur. Qeyd olunan ittiham 5 ildən 8 ilədək azadlıqdan məhrum etmə ilə cəzalandırılır.
Qeyd olunan işdə Saakaşvili ilə yanaşı, Vano Merabişvili, Zurab Adeişvili, Davit Kezeraşvili və Qiqi Uqulava da ittiham olunurlar.