Dini Qurumlarla İş üzrə dövlət Agentliyi Gürcüstanın şiə icmasını Qədir-Xum bayramı münasibətilə təbrik edir

İmam Əli ibn Əbu Talibin Allahın əmri ilə Məhəmməd peyğəmbər tərəfindən imam (rəhbər, canişin) elan edildiyi bu gün şiə müsəlmanları Qədir-Xum bayramını qeyd edirlər.

InterPress.ge xəbər verir ki, bu barədə Dini Qurumlarla İş üzrə Dövlət Agentliyi məlumat yayıb.

Məlumata əsasən, məhz bu gün Məhəmməd peyğəmbər Allahın əmri ilə Əli ibn Əbu Talibi imam elan etmişdir. Və bu, Ğədir əl-Xümm vahasında (Məkkə ilə Mədinə arasında yer) baş verdi.
Dini Qurumlarla İş üzrə Dövlət Agentliyi Gürcüstanın şiə icmasını bayram münasibətilə təbrik edir, sülh arzulayır.