Maşınları su aparıb, körpülər dağılıb, həyətləri və evləri su basıb

Xaraqauli bələdiyyəsində baş vermiş dağıdıcı təbii fəlakətin nəticələri ilə mübarizə aparılır.

InterPress.ge xəbər verir ki, güclü yağış Uxadura çayının daşmasına səbəb olub.

Bir neçə yaşayış evinin birinci mərtəbələrinə və yardımçı tikililərə də su keçib.

Təbii fəlakət nəticəsində körpülər dağılıb, həyətləri və evləri su basıb, ev heyvanları və quşları ölüb, avtomobilləri su aparıb. Həyətləri, bağları su basıb.

İnfrastruktur da dağılıb. Yol çayın gətirdiyi daşlarla örtülüb və nəqliyyatın hərəkəti mümkün deyil.

20 saatdan artıqdır ki, yerli sakinlər və xilasedicilər təbii fəlakətin aradan qaldırılması üçün birgə çalışırlar.