Estoniya parlamenti Gürcüstan hökumətinin və parlament çoxluğunun hərəkətlərini pisləyən bəyanat qəbul edib
Riiqikogu (Estoniya parlamenti) Gürcüstan hökumətinin və parlament çoxluğunun xarici təsirin şəffaflığı haqqında qanunun qəbulu və Avropa dəyərlərindən imtina ilə bağlı hərəkətlərini pisləyən bəyanat qəbul edib.
InterPress.ge xəbər verir ki, bu barədə Estoniya parlamentinin saytında dərc olunmuş press-relizdə qeyd olunub.
Məlumata görə, Riiqikogu-nun 44 üzvünün təqdim etdiyi “Gürcüstanda demokratiya böhranı haqqında” bəyanatın qəbul edilməsini 57 deputat dəstəkləyib, 13-ü isə əleyhinə çıxıb.
Bəyanatda qeyd olunur ki, geniş etirazlara, Avropa İttifaqının və Gürcüstanın müttəfiqlərinin müraciətlərinə və Gürcüstan prezidentinin vetosuna baxmayaraq, mayın 28-də Gürcüstan parlamenti hakim “Gürcü arzusu” partiyasının dəstəyi ilə, Putin rejiminin vətəndaş cəmiyyətini, medianı və siyasi müxalifəti sıxışdırmaq üçün istifadə etdiyi Rusiya Federasiyasının “Xarici agentlər” qanunundan ilhamlanan “Xarici təsirin şəffaflığı haqqında” qanun qəbul edib.
Bəyanatda həmçinin xatırladılır ki, Avropa İttifaqı, Avropa Şurasının Venesiya Komissiyası və Gürcüstan vətəndaş cəmiyyəti qanunu Avropa İnsan Hüquqları Konvensiyasına və BMT-nin Mülki və Siyasi Hüquqlar haqqında Beynəlxalq Faktına zidd elan edib, çünki bu qanunun aliliyi, qanunçuluq və mütənasiblik prinsipləri qanunu pozur.
Riiqikoqu Gürcüstan hökumətinin və parlament çoxluğunun “Xarici təsirin şəffaflığı haqqında” qanunun qəbulu və Avropa dəyərlərindən imtinası ilə bağlı hərəkətini pisləyir və Gürcüstan parlamentini və hökumətini “xarici təsir şeffaflığı haqqında” qanunu dərhal ləğv etməyə çağırır.
Riiqikoqu həmçinin Estoniyanın “Xarici təsirin şəffaflığı haqqında” qanun ləğv olunana qədər Avropa İttifaqı Şurasında Gürcüstanla Aİ arasında vizasız rejimin dondurulmasına dəstək verməsini zəruri hesab edir.
“Riigikogu Gürcüstanın demokratik və Avropayönümlü gələcəyini dəstəkləyən cəsur gürcü xalqına hörmətini ifadə edir”, - deyə bəyanatda deyilir.
