İspaniya Fələstin dövlətini rəsmən tanıyıb

İspaniya hökuməti Fələstin dövlətini rəsmən tanıyıb.

InterPress.ge xəbər verir ki, bu barədə İspaniyanın xarici işlər naziri Xose Manuel Albares Madriddə keçirdiyi mətbuat konfransında bildirib.

Açıqlamadan əvvəl İspaniyanın Baş naziri Pedro Sançesin milli televiziya ilə çıxışında İspaniyanın artıq Fələstini tanıyan 140-dan çox ölkəyə qoşulacağını elan edib.

"Bu, hamımızın sülhə nail olmağın yeganə yolu kimi tanıdığı həlli həyata keçirməyin yeganə yoludur." -Sançes bildirib.

Məlumat üçün bildirək ki, İspaniya, İrlandiya və Norveç mayın 22-də etdikləri açıqlamada 28 may günü Fələstini dövlət kimi tanıyacaqlarını bildirmişlərdi.