Gürcüstan vətəndaşları üçün Çinə vizasız gediş-gəliş rəsmi olaraq qüvvəyə minib

Gürcüstan vətəndaşları üçün Çinə vizasız gediş-gəliş bu gündən rəsmi olaraq qüvvəyə minib.

InterPress.ge xəbər verir ki, bu barədə Çinin Gürcüstandakı səfirliyi məlumat dərc edib.

Gürcüstan vətəndaşları üçün Çinə hər giriş üçün qalma müddəti 30 gündən, hər hansı 180 günlük müddətdə isə ümumi qalma müddəti 90 gündən çox olmamalıdır.

Həmçinin, Çində 30 gündən artıq yaşamaq, yaxud işləməyə, təhsil almağa, KİV-də və ya digər fəaliyyət növünə başlamaq niyyətində olan vətəndaşlar Çin Xalq Respublikasının ərazisinə daxil olmamışdan əvvəl müvafiq viza üçün müraciət etməlidirlər.