26 may tarixində keçirilən yürüşdə iştirak edənlərin sayı açıqlandı

Mayın 26-da keçirilən yürüşdə 80 mindən çox, prezidentin tədbirində isə 20 minə qədər insan iştirak edib.

InterPress.ge xəbər verir ki, bu barədə Visioner təşkilatı məlumat yayıb.

"Ən böyük yürüşlərdən biri bu gün keçirilib. Bu gün "Rus qanunu"na etiraz edənlər 1919-cu il mayın 26-da, müstəqillik elan edildikdən bir il sonra gürcülərin tutduqları yolu tutdular.

Yürüşdə azı 80 min insan iştirak edib, Orbeliani sarayının yaxınlığında keçirilən prezident mərasiminə minlərlə insan qatılıb. Beləliklə, 45-ci gündə təxminən 100 000 nəfərin yenidən meydana çıxdığı qənaətinə gələ bilərik”, - Visioner yazır.