Tbilisidə güllələnmə hadisəsi baş verdi- yaralananlar var

Tbilisidə, Şardeni küçəsində bir az əvvəl atışma olub.

InterPress.ge xəbər verir  ki, sərxoş şəxs bir nəfərlə mübahisə edib və bu zaman silahdan atəş açıb.

Hadisə şahidlərinin sözlərinə görə, atışma nəticəsində iki nəfər güllə yarası alıb.

Silahdan atəş açan şəxs artıq polis tərəfindən saxlanılıb.

Baş vermiş hadisə ilə bağlı Daxili İşlər Nazirliyi 236-cı (qanunsuz olaraq odlu silah əldə etmə, saxlama və gəzdirmə), habelə 239-cu maddələri(xuliqanlıq etmə) ilə araşdırmalara başlayıb.