ABŞ Nümayəndələr Palatasının Xarici Əlaqələr Komitəsinin üzvü Gürcüstanda baş verən hadisələrə cavab olaraq qanun layihəsi təqdim etməyi planlaşdırır

Konqresmen Co Vilson qanun layihəsi təqdim etməyi planlaşdırır.

InterPress.ge xəbər verir ki, bu barədə “The Wall Street Journal”da məqalə dərc olunub.

“ABŞ Nümayəndələr Palatasının Xarici Əlaqələr Komitəsinin üzvü Co Vilson Gürcüstanda baş verən hadisələrə cavab olaraq qanun layihəsi təqdim etməyi planlaşdırır. Qanun layihəsi dövlət katibindən Konqresə qeyri-qanuni siyasi təsir, kleptokratiya, elit korrupsiya, sanksiyalardan yayınma və Gürcüstanda Rusiya kəşfiyyatının aktivləri barədə hesabat verməyi tələb edir. Amerika nəşri yazır ki, "Xarici Agentlər Aktı"na və demokratiyaya daha geniş hücuma görə məsuliyyət daşıyanlar sanksiyalarla üzləşə bilər.

WSJ-nin “Gürcüstan-Rusiya “Hibrid müharibəsi”” başlıqlı məqaləsində qeyd edilir ki, Gürcüstan kursdan dönərsə, qanun layihəsi Gürcüstana ABŞ ilə ticarət, müdafiə və mədəni əlaqələri gücləndirməyə imkan verəcək.

“Həmçinin, qanun layihəsi kursu dəyişəcəyi təqdirdə Gürcüstana ABŞ ilə ticarət, müdafiə və mədəni əlaqələri gücləndirmək imkanı təqdim edir”. Bu, Gürcüstanın əhalisinin avtoritar nəzarət alətini dayandırmağa çalışdığı bir vaxtda onun demokratik gələcəyi üçün həlledici an ola bilər”, - məqalədə qeyd olunur.