Daxili İşlər Nazirliyi parlamentin yaxınlığında iki nəfəri əmlaka ziyan vurmaqda ittiham edərək saxlayıb
Hüquq-mühafizə orqanlarının əməkdaşları 19 və 23 yaşlı gəncləri parlament yaxınlığında davam edən aksiya zamanı əmlaka ziyan vurmaqda ittiham edərək saxlayıblar.
InterPress.ge xəbər verir ki, Daxili İşlər Nazirliyi bununla bağlı məlumat yayıb.
Nazirliyin məlumatına görə, saxlanılan şəxslər parlamentin girişində yerləşən dəmir qoruyucu bəndi fiziki güc və dəmir əşya ilə qəsdən zədələyiblər.
“Daxili İşlər Nazirliyinin Mərkəzi Kriminal Polis İdarəsinin əməkdaşları həyata keçirdikləri əməliyyat tədbirləri və istintaq hərəkətləri nəticəsində O.O. və əvvəllər məhkum olunmuş 2001-ci il təvəllüdlü S.M. -nı saxlayıb.
Sözügedən cinayət 6 ilə qədər azadlıqdan məhrumetmə ilə cəzalandırılır.
İstintaq müəyyən edib ki, bu il mayın 14-də Tbilisidə qanunverici orqanın binasının yaxınlığında davam edən etiraz aksiyası zamanı S.M və O.O digər şəxslərlə birlikdə həm fiziki güc tətbiq edərək, həm də girişə dəmir əşyaları qoyaraq Parlamentin dəmir qoruyucu bəndini qəsdən zədələyiblər. Cinayəti törətmiş digər şəxslərin müəyyən edilərək tutulması istiqamətində Daxili İşlər Nazirliyi tərəfindən əməliyyat-axtarış tədbirləri davam etdirilir. “İstintaq Cinayət Məcəlləsinin 187-ci maddəsinin 2-ci hissəsinin obyektə qrup şəklində zərər vurma bəndi ilə aparılır”, - Daxili İşlər Nazirliyinin yaydığı məlumatda deyilir.
