Estoniyanın Xarici İşlər Naziri - Gürcü xalqının yeri Avropa İttifaqındadır

Estoniyanın xarici işlər naziri Marqus Tsahkna gürcü xalqının yerinin Avropa İttifaqında olduğunu və Gürcüstanı dəstəkləməkdə davam edəcəklərini bildirib.

InterPress.ge xəbər verir ki, XİN rəhbəri sosial şəbəkədə aksiyadan fotolar paylaşıb.

“Mən dünənki çıxışımda gürcü xalqına söz verdim ki, onlar tək deyillər, biz onları görürük və onların layiqli yeri Avropa İttifaqındadır. Biz Gürcüstanı dəstəkləməyə davam edirik!” – Marqus Çaqna  sosial şəbəkədə yazıb.

Xatırladaq ki, dünən Gürcüstanda səfərdə olan Estoniya, Litva və İslandiyanın xarici işlər nazirləri “Xarici təsirin şəffaflığı haqqında” qanun layihəsinə qarşı mitinqə çıxıblar.