Parlamentin qarşısında keçirilən aksiyada 20 nəfər saxlanılıb

Parlamentin qarşısında davam edən aksiyada 20 nəfər İnzibati Xətalar Məcəlləsinin 166 və 173-cü maddələrinə əsasən saxlanılıb.

InterPress.ge xəbər verir ki, bu barədə Daxili İşlər Nazirliyinin açıqlama verib.

Saxlanılan şəxslərdən 3-ü xarici ölkə vətəndaşları - 2002-ci il təvəllüdlü Rusiya Federasiyası vətəndaşı G.B. və Amerika Birləşmiş Ştatlarının vətəndaşı, 1995-ci il təvəllüdlü P.H. və adını açıqlamaqdan imtina edən və ABŞ-ın Gürcüstandakı səfirliyi ilə əlaqə saxlamağı xahiş edən eyni ölkənin daha bir vətəndaşıdır.

Agentlik iddia edir ki, aksiya iştirakçıları ictimai asayişi pozub, hüquq-mühafizə orqanlarının əməkdaşlarına müqavimət göstərib, onları təhqir ediblər.

"Mayın 12-də parlamentin yaxınlığında, saat 22:00-da başlayan aksiyaya paralel olaraq Rustaveli prospektində, Parlament binasının yaxınlığında asayişin qorunması üçün hüquq-mühafizə orqanlarının əməkdaşları səfərbər olunub.
Qeyd edək ki, aksiya iştirakçıları TBMM-i əhatə edən küçələrdə, o cümlədən Z. Jvaniya, ş. Çitadze və B. Çiçinadze küçələrində qanunverici orqanın girişlərində olublar.
Mitinqin təşkilatçıları və iştirakçıları parlamentin Hüquq Komitəsinin mayın 13-ü saat 09:00-a təyin edilmiş iclasında deputatların gəlməsinə və iştirakına icazə verməyəcəklərini açıq şəkildə bəyan etdikləri üçün Daxili İşlər Nazirliyinin əməkdaşları deputatların və aparat əməkdaşlarının parlament binasına daxil olması və deputat səlahiyyətlərini həyata keçirməsi üçün qanunvericilik orqanına girişləri boşaltmaları üçün aksiya iştiralçılarına dəfələrlə xəbərdarlıq ediblər.
Polisin aksiyanın təşkilatçılarına və iştirakçılarına çoxsaylı müraciətlərinə, o cümlədən Daxili İşlər Nazirliyinin nümayəndələrinin qanuni tələbinə tabe olacaqları, tələbləri aşmamaq barədə bəyanat yaymasına baxmayaraq Qanunla icazə verilən sərbəst toplaşma və ifadə azadlığı çərçivəsində mitinq iştirakçılarının bəziləri polisin qanuni tələbini nəzərə almayıb, ictimai asayişi pozub, müqavimət göstərib, hüquq-mühafizə orqanları əməkdaşlarını təhqir ediblər. İnzibati Xətalar Məcəlləsinin 166 və 173-cü maddələrinə əsasən, hazırda polis tərəfindən 20 nəfər saxlanılıb.

Həbs edilən şəxslərdən 3-ü xarici ölkə vətəndaşları, yəni 2002-ci il təvəllüdlü Rusiya Federasiyası vətəndaşı G.B., habelə Amerika Birləşmiş Ştatlarının vətəndaşı, 1995-ci il təvəllüdlü P.H. Və adını açıqlamaqdan imtina edən və ABŞ-ın Gürcüstandakı səfirliyi ilə əlaqə saxlamağı xahiş edən eyni ölkənin daha bir vətəndaşıdır.
Artıq adıçəkilən şəxslərin həbsi ilə bağlı Amerika Birləşmiş Ştatlarının və İsveçrə Konfederasiyasının səfirliklərinə məlumat verilib"- deyə nazirliyin bəyanatında bildirilir.