Saxlanılan blogger və həyat yoldaşı ilə bağlı prokurorluq məlumat yayıb
Prokurorluq blogger Uça Abaşidze və onun həyat yoldaşı Mariam İaşviliyə qarşı ittiham işi ilə bağlı rəsmi məlumat yayıb.
InterPress.ge xəbər verir ki, Prokurorluq onları qanunsuz olaraq şəxsi həyat sirrini əldə etmə və saxlama faktlarında ittiham edib.
İstintaqın məlumatına görə, Mariam İaşvilinin əlaqə məlumatları onun tərəfdən seksual xidmətlər təklif olunduğu müxtəlif internet saytlarında dərc olunub. Konkret şəxslə müqavilə bağlandıqdan və o, yuxarıda qeyd olunan mənzilə gəldikdən sonra cavabdehlər adıçəkilən şəxsdən gizli şəkildə xüsusi quraşdırılmış cihazlar vasitəsilə intim münasibətlərin audio-video yazılarını sistemli və qanunsuz olaraq lentə alaraq, saxlayıblar.
Bundan əlavə, Prokurorluq bildirir ki, 2019-2024-cü illər arasında yüzlərlə müxtəlif insanın cinsi əlaqəsini əks etdirən minlərlə video-audio material qeydə alınıb. Təqsirləndirilən şəxslərin kompüter avadanlıqlarında və elektron məlumat saxlama cihazlarında şəxsi həyatlarının sirlərini əks etdirən qeydləri qanunsuz saxlanılan bir neçə nəfər müəyyən edilib.
“Gürcüstan Prokurorluğu 2 nəfərə qarşı şəxsi həyat sirrini qanunsuz əldə etmək və saxlamaqda ittiham edib.
Daxili İşlər Nazirliyi tərəfindən aparılan araşdırmalarla müəyyən edilib ki, U.A və M.İ.-yə məxsus yaşayış mənzilində müxtəlif şəxslərin şəxsi həyat sirlərini, yəni cinsi əlaqəni əks etdirən video-audio çəkilişlərini qanunsuz olaraq əldə etmək məqsədilə M.İ.-nin gizli şəkildə video-audio çəkiliş aparatları quraşdırılıb, onların köməyi ilə M.İ.-nin müxtəlif şəxslərlə intim münasibətinin qeyri-qanuni qeydə alınması həyata keçirilib.
Mənzilin otaqlarında, o cümlədən yataq otağında onlarla səs yazısı aparatı quraşdırılıb və gizli şəkildə müxtəlif məişət texnikası və əşyaların içərisinə yerləşdirilib.
Daxili İşlər Nazirliyi tərəfindən aparılan araşdırma zamanı həmçinin müəyyən edilib ki, M.İ.-nin əlaqə məlumatları onun cinsi xidmətlər təklif etdiyi müxtəlif internet saytlarında dərc olunub. Konkret şəxslə müqavilə bağlandıqdan və o, yuxarıda qeyd olunan mənzilə gəldikdən sonra cavabdehlər adıçəkilən şəxsdən gizli şəkildə xüsusi quraşdırılmış cihazlar vasitəsilə intim münasibətlərin audio-video yazılarını sistemli və qanunsuz olaraq lentə alaraq, saxlayıblar.
Bu yolla 2019-2024-cü illər ərzində yüzlərlə müxtəlif insanın cinsi əlaqəsini əks etdirən minlərlə video-audio material qeydə alınıb. İstintaq artıq təqsirləndirilən şəxslərin kompüter avadanlığında və elektron məlumat saxlama cihazlarında şəxsi həyat qeydləri qanunsuz saxlanılan bir neçə nəfəri müəyyən edib. Adıçəkilən şəxslərə zərərçəkmiş statusu verilib.
Bundan başqa, təqsirləndirilən şəxslərdən biri yaşayış evində qanunsuz olaraq hərbi sursat - 30 ədəd hərbi xüsusi təyinatlı patron saxlayıb.
Hər iki şəxs Gürcüstan Cinayət Məcəlləsinin 157¹ maddəsinin birinci hissəsi (şəxsi həyat sirrini pozma), onlardan biri də 236-cı maddənin üçüncü hissəsi (qanunsuz olaraq döyüş materialı əldə etmə və saxlama) ilə ittiham olunub. Cinayət 4 ildən 7 ilə qədər azadlıqdan məhrumetmə ilə cəzalandırılır.
Artıq prokurorluq təqsirləndirilən şəxslər barəsində həbs qətimkan tədbirinin seçilməsi ilə bağlı vəsatətlə məhkəməyə müraciət edib.
Daxili İşlər Nazirliyində başlanmış cinayət işi üzrə istintaq davam etdirilir”, - məlumatda deyilir.
