Tbilisidə “Avropa marşı” adlı yürüş başladı

Tbilisidə etiraz marşı Respublika meydanı, Mərcanişvili meydanı və “300 Araqveli” metrostansiyasından başlayıb.

InterPress.ge xəbər verir ki, etirazçılar artıq “300 Araqveli” metrostansiyasından və Respublika Meydanından çıxıb Avropa Meydanına doğru irəliləyirlər.

Onlara başqa yerlərdən gələn etirazçılar da qoşulacaqlar. Yürüş iştirakçıları “Biz Gürcüstanıq, yaşasın Gürcüstan” şüarları səsləndirirlər.

Vətəndaşların bu məntəqələrə toplaşması saat 17:00 radələrində başlayıb. Valideynlər, tələbələr, siyasətçilər və cəmiyyətin müxtəlif qrupları “Gürcü Arzusu”nun təşəbbüsü ilə parlamentdə irəli sürülən “rus qanunu”na etiraz edirlər.