Parlamentdə xüsusi təhlükəsizlik səviyyəsi qüvvədə olacaq

Gürcüstan parlamentində mayın 11 və 12-də xüsusi təhlükəsizlik səviyyəsi qüvvədə olacaq.

InterPress.ge xəbəe verir ki, Gürcüstan parlamenti mühafizənin sarı səviyyəsinin tətbiq olunacağı və ziyarətçilərin binaya girişinin məhdudlaşdırılması barədə bəyanat yayıb.

Gürcüstan parlamenti sədrinin 4 sentyabr 2023-cü il tarixli “Gürcüstan Parlament Sarayında təhlükəsizlik qaydalarının təsdiq edilməsi haqqında” N1/259/23 sərəncamına uyğun olaraq, bu ilin 11-12 may tarixlərində  Gürcüstanın Parlament Sarayında sarı təhlükəsizlik səviyyəsi qüvvədə olacaq - ziyarətçilərin Parlament Sarayına girişi məhdudlaşdırılacaq.

Binaya yalnız Gürcüstan parlamentinin üzvləri və ofisin əməkdaşları buraxılacaq.
Sözügedən tədbirin məqsədi Gürcüstan parlamentinin sarayında iş və təhlükəsiz mühitin təmin edilməsidir”, - parlamentdən bildirilir.