Pis hava şəraiti avtomobillərin hərəkətini iflic etdi

Pis hava şəraitindən irəli gələrək Batumi - Maxingaurini birləşdirən yolda məhdudiyyətlər yaranıb.

Bu barədə InterPress.ge İPN-nə istinadən xəbər verir.

Sərnişinlərin sözlərinə görə, havanın dumanlı, buludlu, leysan yağışlı olmasından irəli gələrək onlar hərəkət etməkdə çətinlik çəkirlər, nəticədə isə məhdudiyyətlər yaranıb.

Qeyd edək ki, Batumidə yağan güclü yağış nəticəsində şəhərin bir neçə küçəsini su basıb. Yağış evlərə və zirzəmilərə dolub.

"Batumi suyu" şirkətindən verilən açıqlamaya görə, şirkətin müvafiq briqadası ərazidə lazımi tədbirləri həyata keçirirlər. Xilasedicilərə gəldikdə isə yerli sakinlər tərəfindən yardım məqsədilə 50 dəfə müraciət olunub.