Pasxa gecəsində metro uzadılmış saatlarla işləyəcək

Pasxa bayramı ərəfəsində Tbilisi metrosu uzadılmış saatlarla işləyəcək, mayın 5-6-da isə əlavə avtobus marşrutlarının hərəkəti nəzərdə tutulub.

InterPress.ge xəbər verir ki, bu barədə Tbilisi Meriyası məlumat yayıb.

Vətəndaşların rahat hərəkətini təmin etmək məqsədilə metro mayın 5-i saat 04:00-dək fəaliyyət göstərəcək, mayın 4-ü saat 23:00-dan isə yeraltı nəqliyyat ilə hərəkət pulsuz olacaq.

Bundan əlavə, mayın 5-6-da doqquz müvəqqəti avtobus marşrutu yaradılacaq. Avtobuslar səhər saat 08:00-dan 20:00-a kimi Muxatqvedi, Vaşlicvari, Kukiya, Axali Kukiya, Maxata, Saburtalo, Ğrmağele, Vele və Varketili qəbiristanlıqları istiqamətində hərəkət edəcək 

Avtobuslar “Marcanişvili”, “Delisi”, “Saracişvili”, “Varketili”, həmçinin “Didube” meteostansiyalarının aşağı və yuxarı çıxışlarından; vağzal meydanından (birbaşa "Tbilisi Central"-dan); Besarion Çiçinadze küçəsindən; Varketili III massivindən, Şuamta və Abaşvili küçələrinin kəsişməsindən hərəkət edəcək.

Vətəndaşlar iki gün ərzində bu avtobuslardan pulsuz istifadə edəcəklər