Feysbuk istifadəçilərinə xəbər

Feysbuk sosial şəbəkəsi keçmiş dizaynını dəyişdirməyə hazırlaşır.

InterPress.ge xəbər verir ki, mütəxəssislərin fikrincə, pandemiyanı nəzərə alsaq, Feysbukun bu qərarı çoxdan gözlənilən idi.

Artıq sentyabrdan Feysbukun yeni dizaynda istifadəyə veriləcəyi gözlənilir. Bildirilir ki, platformanın keçmiş dizaynının xeyli qarışıq olması xüsusilə də gənc nəsli buradan uzaqlaşdırır.

Yeni dizaynda əsas səhifənin İnstaqram ilə inteqrasiya olunacağı gözlənilir. Əslində, yeni dizayn son bir ildir istifadəçilər üçün açıqdır. Amma sentyabrdan kütləvi və məcburi hala gətiriləcək.