Bu gün parlament qarşısında “Xarici təsirin şəffaflığı haqqında” qanun layihəsinə qarşı aksiya davam edəcək.
InterPess.ge xəbər verir ki, aksiya təşkilatçılarının verdiyi məlumata görə, etiraz aksiyası saat 17:00-da qanunverici orqanın arxa girişində başlayacaq.
Məlum olduğu kimi, bugünkü aksiyaya rayonlardan olan vətəndaşlar da qoşulacaq.
Məlumat üçün bildirək ki, bu gün Milli Məclisin plenar iclası səs-küy - şifahi və fiziki qarşıdurma şəraitində davam edib. Sessiyada “Xarici təsirin şəffaflığı haqqında” qanun layihəsinin ikinci oxunuşda - maddə-maddə müzakirəsi davam edir.
“Xarici təsirin şəffaflığı haqqında” qanun layihəsi ümumilikdə 11 maddədən ibarətdir. Aprelin 30-da keçirilən sessiyada cəmi üç maddə müzakirə olunub.
Sözügedən qanun layihəsi ilə yanaşı, parlamentin müxalifətçi üzvü Teona Akuardianın “25 fevral 1921-ci il reyestri”nin yaradılmasını nəzərdə tutan alternativ qanunvericilik təklifi də təqdim edilib.
