Polşada qanunsuz yaşayan Gürcüstan vətəndaşları saxlanılıb

Polşada 6 Gürcüstan vətəndaşı saxlanılıb.

InterPress.ge xəbər verir ki,Polşa polisinin yaydığı bəyanatda onların ölkədə qanunsuz yaşayıb bizneslə məşğul olduqları bildirilir.

Mövcud məlumata görə, Sileziyada yerləşən biznes obyektlərinin birində 4 gürcü lazımi icazə olmadan işləyirmiş.

Həmçinin Mikolovda tikinti obyektlərinin birində qanunsuz işləyən daha bir gürcü saxlanılıb. Katovitsedə Sosnovyeç sərhəd dəstəsinin əməkdaşları tərəfindən başqa bir şəxs də icazəsiz qalıb işlədiyinə görə saxlanılıb.

Məlumata görə, saxlanılanlar 30 gün ərzində Polşanı tərk etməlidirlər. Onlara bir ildən iki ilədək Şengen zonasına yenidən daxil olmaq qadağan edilib.