Baş nazir :”Avropa İttifaqına daxil olmaq Gürcüstanın və gürcü xalqının əsas xarici-siyasi prioritetidir“

"Əminəm ki, tezliklə Gürcüstan Avropa ailəsinin tamhüquqlu üzvünə çevriləcək"

InterPress.ge xəbər verir ki, bunu Gürcüstanın baş naziri İrakli Kobaxidze Macarıstanda keçirilən “Mühafizəkar siyasi fəaliyyət” konfransında çıxışı zamanı bildirib.

Hökumət başçısının qeyd etdiyi kimi, Avropa İttifaqına daxil olmaq Gürcüstanın və gürcü xalqının əsas xarici-siyasi prioritetidir.

“Əminəm ki, çox tezliklə Gürcüstan Avropa ailəsinin tamhüquqlu üzvünə çevriləcək və biz birlikdə Avropa İttifaqının möhkəmlənməsinə, möhkəm dəyərlərə əsaslanan Avropanın qurulmasına mühüm töhfə verə biləcəyik. Allah bizə güc versin və bu mühüm işdə bizə kömək olsun”, - deyə İrakli Kobaxidze bildirib.