Telegramda şəxsi həyatı əks etdirən fotoları yayan şəxs saxlanıldı
Xüsusi İstintaq Xidmətinin əməkdaşları 27 yaşlı gənci şəxsi həyat sirrini pozmaq faktı üzrə saxlayıb.
InterPress.ge xəbər verir ki, məlumatı Xüsusi İstintaq Xidməti yayıb.
Qurumun məlumatına görə, istintaq müəyyən edib ki, Tbilisidə yaşayan 1996-cı il təvəllüdlü təqsirləndirilən şəxs əvvəllər Tbilisidə kirayədə qaldığı mənzildə tanış olduğu 2001-ci il təvəllüdlü zərərçəkmiş qızla sevgi/intim münasibətdə olub.
Xüsusi istintaq xidmətinin məlumatəna görə, görüş zamanı zərərçəkmiş qadın könüllü olaraq həmin şəxsin telefonu ilə öz intim fotolarını çəkib.
“2024-cü ilin mart ayında təqsirləndirilən şəxsdən ayrıldıqdan sonra zərərçəkmiş qadın rəfiqəsi ilə çəkdirdiyi şəkli İnstaqram sosial şəbəkəsində yerləşdirib, buna görə təqsirləndirilən şəxs qısqanclıq zəminində ona zəng edib və onu şifahi təhqir edib. Həmçinin, həmin gün zərərçəkmiş qadına məlum olub ki, onun müttəhimin silinməsini xahiş etdiyi intim şəkilləri “Telegram” sosial şəbəkəsindəki qrupların birində yayılıb.
Zərərçəkmiş qadına müraciət etdikdən sonra Xüsusi İstintaq Xidməti tərəfindən əməliyyat-axtarış tədbirləri həyata keçirilib. Təqsirləndirilən şəxsin mobil telefonuna şəxsi baxış zamanı zərərçəkmiş qadının təsvir olunduğu intim məzmunlu material, o cümlədən müttəhimin qadının şəxsi həyatına aid intim fotolarını paylaşdığı 2500 istifadəçidən ibarət Telegram qrupu aşkar edilib və çıxarılıb.
Təqsirləndirilən şəxs Gürcüstan Cinayət Məcəlləsinin 157-ci maddəsinin ikinci hissəsində nəzərdə tutulmuş maddə ilə saxlanılıb(cinayət 5 ildən 8 ilədək azadlıqdan məhrumetmə ilə cəzalandırılır)”. - məlumatda deyilir.
