Dünya Bankı Gürcüstanın iqtisadi artımı ilə bağlı proqnozunu yaxşılaşdırıb

Dünya Bankı 2024-cü ildə Gürcüstanın iqtisadi artımı ilə bağlı proqnozunu 4,8 %-dən 5,2 %-ə yüksəldib.

InterPress.ge xəbər verir ki, Bank həmçinin 2025-ci il üçün iqtisadi artım proqnozunu 4,5 %-dən 5 %-ə çatdırıb.

"Pul köçürmələrində azalmaya baxmayaraq, Gürcüstana investisiya qoyuluşunun və turizm sektorunun iqtisadi artımı dəstəkləyəcəyi gözlənilir. Pul siyasətinin tədricən yumşaldılması ilə inflyasiyanın 2024-cü ilin sonuna kimi 3 %-lik hədəfə çatacağı proqnozlaşdırılır", - deyə Dünya Bankının məlumatında qeyd olunub.