Külli miqdarda qızıl və gümüşün qanunsuz olaraq ölkəyə gətirilməsinin qarşısı alınıb

Maliyyə Nazirliyinin Gəlirlər Xidmətinin "Sarp" gömrük-keçid məntəqəsində gömrükçülər tərəfindən əcnəbi vətəndaşın yoxlanılması zamanı külli miqdarda bəyan edilməmiş qızıl və gümüş məmulatlar aşkar edilib.

InterPress.ge xəbər verir ki, bu barədə Gəlirlər Xidməti məlumat verib.

Məlumata görə, bəyan edilməmiş malların ümumi gömrük dəyəri 28 079,01 lari təşkil edib.

İş materialları əlavə cavab üçün Gürcüstan Maliyyə Nazirliyinin istintaq xidmətinə təhvil verilib.