Sabahdan etibarən avtomobillərin və motosikletlərin tranzit dövlət nömrə nişanlarının dizaynı dəyişdiriləcək

Daxili İşlər Nazirliyinin Xidmət Agentliyi nəqliyyat vasitələrinə və motosikletlərə tranzit dövlət nömrə nişanlarının verilməsi qaydasında və dizaynında dəyişiklik edib.

InterPress.ge xəbər verir ki, aprelin 1-dən tranzit nömrələri yeni qaydaya əsasən veriləcək.

Dəyişikliklər nəticəsində daxili tranzit və tranzit nömrə nümunələri eyni formada müəyyən edilib və nömrə şəxsən, konkret nəqliyyat vasitəsinə veriləcək və ondan başqa heç bir şəxs istifadə edə bilməyəcək.

Qeyd olunan dəyişikliklər İnzibati Xətalar Məcəlləsində nəzərdə tutulmuş cərimələrin tətbiqinə də kömək edəcək.

Aprelin 1-dək verilmiş ölkədaxili tranzit və tranzit nömrələri qanunvericiliklə müəyyən edilmiş etibarlılıq müddətində qüvvədə qalır.