25 
Mar
2024
13:58
182

Azərbaycanda terror aktları törətməyi planlaşdıran şəxslər ifşa edilib

Azərbaycanda terror aktları törətməyi planlaşdıran şəxslər ifşa edilib.

InterPress.ge xəbər verir ki, sözügedən məlumatı Azərbaycan mətbuatı ölkənin təhlükəsizlik xidmətinə istinadən yayıb.

Rusiya Federasiyasının Murmansk şəhərində yaşayan Azərbaycan vətəndaşı Bəhruz Əsgərovun saxlanıldığı bildirilir. Adıçəkilən şəxs Azərbaycanda insanların ölümü ilə nəticələnəcək terror aktı təşkil etmək üçün başqa şəxslərlə əlaqə saxlayıb.

O cümlədən, istintaqın məlumatına görə, Əsgərov Azərbaycanın müxtəlif bölgələrində yaşayan insanlarla məxfi əlaqə yaradaraq Azərbaycanın cənubunda yerləşən Lənkəran şəhərinin icra hakimiyyətinin başçısına hücum təşkil etmək barədə göstəriş verib. Müstəntiqlər onu da müəyyən ediblər ki, Bəhruz Əsgərov müttəfiqlərinə Azərbaycanın müxtəlif bölgələrində ingilis dili müəllimi işləyən əcnəbi vətəndaşa qarşı sui-qəsd hazırlamağı tapşırıb. Bundan başqa, Azərbaycan Dövlət Təhlükəsizliyi Xidmətinin məlumatına görə, həbs edilən şəxs xarici dövlətin ərazisində müxtəlif şəxslərə hərbi təlim keçməyi planlaşdırıb. Qurum bildirir ki, hazırda işin bütün təfərrüatlarının məlum olması üçün kompleks istintaq-əməliyyat tədbirləri həyata keçirilir.

Bizimlə əlaqə saxlayın