Yens Stoltenberq martın 18-də Gürcüstana səfər edəcək
Martın 17-19-da NATO-nun baş katibi Yens Stoltenberq Azərbaycan, Gürcüstan və Ermənistana səfər edəcək.
InterPress.ge xəbər verir ki, bu barədə məlumat Şimali Atlantika Alyansının rəsmi saytında dərc olunub.
Məlumata görə, Stoltenberq martın 17-də Bakıya gedəcək və orada ölkə prezidenti İlham Əliyevlə görüşəcək. Daha sonra Əliyev və Stoltenberqin iştirakı ilə birgə mətbuat konfransı keçiriləcək. Martın 18-də NATO-nun baş katibi Azərbaycanın xarici işlər naziri Ceyhun Bayramov və müdafiə naziri Zakir Həsənovla görüşəcək.
Həmin gün Stoltenberq Gürcüstana səfər edəcək, burada ölkə prezidenti Salome Zurabişvili və baş nazir İrakli Kobaxidze ilə görüşlər keçirəcək. Həmin gün Kobaxidze və Stoltenberqin iştirakı ilə birgə mətbuat konfransı keçiriləcək.
Martın 19-da NATO-nun baş katibi İrəvana gedəcək, orada ölkə prezidenti Vahaq Xaçaturyan və baş nazir Nikol Paşinyanla görüşlər keçirəcək. Daha sonra Paşinyan və Stoltenberqin iştirakı ilə birgə mətbuat konfransı keçiriləcək.
