Qoşqu ilə sərnişin mikroavtobusu toqquşub - Yaralılar var

Kaxetidə baş verən yol qəzası nəticəsində 6 nəfər xəsarət alıb.

InterPress.ge xəbər verir ki, Barjisxevidə qoşqu sərnişin mikroavtobusu ilə toqquşub.

Hadisə şahidlərinin sözlərinə görə, yük maşınının sürücüsü sükanı idarə edə bilməyib, sürüşərək əvvəlcə “Ford” markalı mikroavtobusu vurub, daha sonra aşıb. Sərnişinlər çoxsaylı bədən xəsarətləri alıblar. Təcili tibbi yardım qrupları onları Kaxetidəki iki klinikaya aparıb.

Sərnişinlər Pşavli kəndindən Tbilisiyə gedirmiş. Hadisə yerində ekspert- kriminalistlər işləyir.