A kateqoriyalı taksi lisenziyasının alqı-satqısı və kirayəsi xidmətinin qiymətləri enib

İnternet platformasında A kateqoriyalı taksi lisenziyasının alqı-satqısı və kirayəsi xidmətinin qiymətləri enib.

InterPress.ge xəbər verir ki, elanlara görə, hazırda taksi lisenziyasının satış qiyməti maksimum 8000 laridir, bu rəqəm ötən ilin yazında internet saytı yaradılanda hətta 15000 lari olub.

Bununla belə, sözügedən platformada bir çox elanlar var ki, ona əsasən taksi lisenziyası bir və ya iki il müddətinə pulsuz veriləcək.

Xatırladırıq ki, Tbilisi meriyasının qərarına əsasən, ötən il aprelin 1-dən etibarən A kateqoriyalı taksi lisenziyası yalnız 2023-cü il martın 20-dək ən azı bir dəfə A kateqoriyalı icazəyə malik olan şəxslərə veriləcək. Nəticədə, əvvəllər bir illik olan A kateqoriyalı taksi sürmək vəsiqəsi ömürlük olub. Həmçinin, icazələrin alqı-satqısının aparıla biləcəyi A kateqoriyalı taksi sürmə icazəsi bazarı yaradılıb.