Nəzərli ictimai məktəbində  ötən il Türkiyədə baş vermiş zəlzələnin anım mərasimi keçirilib

16 fevral tarixində Qardabani rayonunun Nəzərli ictimai məktəbində ötən il Türkiyədə baş vermiş zəlzələnin anım mərasimi keçirilib.

InterPress.ge xəbər verir ki, məktəbin müəllimi Elmar Eminovun rəhbərliyi və 10-a sinif şagirdlərinin təşkilatçılığı ilə baş tutmuş mərasimdə bir çox  qonaq iştirak edib. 

Proqram çərçivəsində hadisələri əks etdirən rəsm sərgisi və rəsm müsabiqəsi də təşkil olunub. Şagirdlər, "əsrin faciəsi" adlandırılan bu layihə çərçivəsində o dəhşətli gecə haqqında  məlumat verərək Gürcüstan dövlətinin bu məsələdə ilk yardıma gedənlərdən olduğunu xüsusilə vurğulayıblar. Daha sonra qonaqlara söz verilib.  
Tədbirin sonunda qaliblərə  sertifikatlar və,  təşəkkürnamələr verilib.

Qeyd edək ki, müsabiqədə  birinci  yeri Fidan Məmmədova,  ikinci yeri Aysun Məmmədova və  üçüncü yeri Esnat Musayeva tutublar.