"Oğru dünyası" ilə əlaqəsi olan şəxslər saxlanıldı

Daxili İşlər Nazirliyinin Mərkəzi Kriminal Polis Departamentinin Mütəşəkkil Cinayətkarlıqla Mübarizə Baş İdarəsinin əməkdaşları Baş Prokurorluğun əməkdaşları ilə birgə həyata keçirdikləri kompleks əməliyyat-istintaq tədbirləri nəticəsində Şida Kartlidə 6 nəfəri saxlayıblar.

InterPress.ge xəbər verir ki, bu barədə Gürcüstan Daxili İşlər Nazirliyi məlumat yayıb.

Daxili İşlər Nazirliyinin məlumatına görə, “Oğru dünyası”nın üzvü olduqları üçün aşağıdakı şəxslər saxlanılıb: 1991-ci il təvəllüdlü Z.K. (“Keko” ləqəbli), 1986-cı il təvəllüdlü N.M. (“Maçita” ləqəbli), 1989-cu il təvəllüdlü Q.A. və 1998-ci il təvəllüdlü N.T. (“Babuça” ləqəbli).

 “Oğru dünyası”na üzv olmaq üçün müraciət etdiyi üçün saxlanılan şəxslər bunlardır: 2000-ci il təvəllüdlü L.L. və 2004-cü il təvəllüdlü Q.İ.

Hüquq-mühafizə orqanları əməkdaşlarının həyata keçirdikləri intensiv istintaq tədbirləri nəticəsində müəyyən edilib ki, təqsirləndirilən şəxslər - L.L. və Q.İ. arasında münaqişə yaranıb və sonradan fiziki qarşıdurmaya çevrilib. Müttəhimlər münaqişəni “oğru dünyası”nın qaydaları ilə həll etmək qərarına gəliblər və kriminal avtoritetlərə müraciət ediblər, bundan sonra müttəhimlər arasında “oğru məhkəməsi” təşkil olunub.

Təqsirləndirilən şəxslərin şəxsi və yaşayış evlərinə baxış nəticəsində onların bir-biri ilə və xaricdəki “qanuni oğru”larla əlaqə saxladıqları kompüter avadanlığı və mobil telefonlar maddi sübut kimi götürülüb.

Cinayət 10 ilədək azadlıqdan məhrumetmə ilə cəzalandırılır.