Tbilisidə gənc oğlan güllələnib

Tbilisidə qətl  hadisəsi baş verib.

InterPress.ge xəbər verir ki,Avlabaridə gəncin küçədə bir neçə dəfə güllələndiyi iddia edilir.

Məlumata görə, o, yerindəcə dünyasını dəyişib. Hadisə yerində hüquq-mühafizə orqanlarının əməkdaşları, məhkəmə-tibb ekspertləri və kinoloji ekspertlər işləyir.

Təqsirkar olduğu iddia edilən şəxsin hələ saxlanılmadığı məlum olub. Hadisə şahidləri cinayəti törətdiyi iddia edilən şəxsin gizləndiyini deyir.

Daxili İşlər Nazirliyindən  verilən məlumata görə, cinayət məcəlləsinin 108 və 236-cı (qəsdən adam öldürmə və qanunsuz olaraq odlu silah əldə etmə, saxlama, gəzdirmə) maddələri ilə istintaqa başlanılıb.

Hələlik əlavə təfərrüatlar məlum deyil.