10 
Fev
2024
09:00
147

Avropa Komissiyası: Ukraynanın Aİ-yə daxil olması istiqamətində irəliləyiş var

Avropa Komissiyası (AK) Ukraynanın Avropa İttifaqına (Aİ) qoşulma prosesində bütün zəruri mərhələlərdən keçməli olduğunu təsdiqləyib və eyni zamanda, ölkənin Avropaya inteqrasiya yolunda uğurlarını qeyd edib.

Bu barədə InterPress.ge “İnterfaks”a istinadən xəbər verir.

“Tamamilə aydındır ki, Avropa İttifaqına üzvlük prosesinin qısaldılması mümkün deyil. Biz bunu hər dəfə təkrarlayırıq: bu proses nailiyyətlərə əsaslanır. Hesabatlarda isə Ukraynanın Aİ-yə daxil olmaq üçün artıq hansı səyləri göstərdiyini görmək olar”, - bu gün Brüsseldə keçirilən brifinqdə AK sözçüsü Ana Pisonero deyib.

Onun sözlərinə görə, bu ölkənin düşdüyü vəziyyətə baxmayaraq, Avropa Komissiyası əldə olunan tərəqqini heyranedici hesab edir.

AK mətbuat katibi bildirib ki, qurum yaxın həftələrdə Aİ-nin Ukrayna ilə danışıqlar proseduru ilə bağlı öz yazışmasını üzv dövlətlərin müzakirəsinə təqdim edə biləcək.

Bizimlə əlaqə saxlayın