Xaşuridə evləri və yolları su basıb, ağaclar aşıb, dam örtüyü zədələnib

Güclü yağış və külək Xaşuridə və bələdiyyənin kəndlərində problemlər yaradıb - yolları, yaşayış evlərinin birinci mərtəbələrini, həyətyanı sahələri və təsərrüfatları su basıb.

InterPress.ge-nin xəbərinə görə, damlar zədələnib, elektrik xətləri sıradan çıxıb, müəyyən ərazilərdə qazın verilməsində problemlər yaranıb, güclü külək nəticəsində bir neçə yerdə ağaclar aşıb.

"Zədələnmiş elektrik xətlərinin bərpası davam edir. Əhaliyə elektrik enerjisinin verilməsi üçün işlər davam etdirilir. Daşqınların yaratdığı problemlərin aradan qaldırılması üçün texnika səfərbər edilib, işlər davam etdirilsə də, aramsız yağan yağış işlərin gedişinə mane olub", - meriyanın bəyanatında deyilir.