Acarıstanda güclü yağış və qar nəticəsində bir neçə yerdə sürüşmə prosesləri baş verib

Acarıstanda yüksək dağlıq ərazilərdə yağan qar və güclü yağış nəticəsində bir neçə yerdə sürüşmə prosesləri baş verib.

InterPress.ge xəbər verir ki, Acarıstanın Avtomobil Yolları Departamenti bu barədə məlumat yayıb.

Məlumata görə, Xulo, Şuaxevi və Kedi bələdiyyələrində həm yerli, həm də mərkəzi avtomobil yollarında sürüşmə prosesləri aktivləşib.

"Hazırda sürüşmə baş verən yerlərdə təmizləmə işləri aparılır. Acarıstan Avtomobil Yolları Departamentinin texnikası və insan resursları səfərbər edilib", - deyə bildirilib.