Azyaşlı uşaq dünyaya gətirdi - Polis yeniyetmənin atasını qızı zorlamaqda ittiham edir

Qərbi Gürcüstanın rayonlarından birində azyaşlı uşaq dünyaya gətirib. Polis yeniyetmənin atasını qızı zorlamaqda ittiham edərək saxlayıb.

InterPress.ge xəbər verir ki, bu barədə "Azadlıq" radiosu məlumat yayıb.

Daxili İşlər Nazirliyindən nəşrə təsdiqləyiblər ki, faktla bağlı Cinayət Məcəlləsinin 11-137-ci maddəsi ilə yetkinlik yaşına çatmayan ailə üzvünü zorlama maddəsi ilə istintaq başlayıb. Cinayət sübuta yetirilərsə, saxlanılan şəxsi 15 ildən 20 ilədək və ya ömürlük həbs cəzası gözləyir.

“Azadlıq” radiosunun məlumatına görə, fevralın 4-də həmin şəxs barəsində iki aylıq həbs qətimkan tədbiri seçilib. İndiki mərhələdə həmin şəxsin ona qarşı irəli sürülən ittihamları qəbul edib-etmədiyi məlum deyil.

 “Azadlıq” radiosunun məlumatına görə, bir neçə gün əvvəl 17 yaşlı yeniyetmə vaxtından əvvəl doğuş edib, döl ölüb. Azyaşlı fevralın 5-də klinikanı tərk edib. Onun səhhətinin vəziyyəti qənaətbəxşdir.

“Uşaq xəstəxanada dindirilib. Onun iki il atası tərəfindən zorlandığı məlum olub. Kiməsə desəniz, hamını öldürəcəm deyərək uşağı hədələyirdi” – nəşrlə söhbətində həmkəndlisi deyib.

Kənd məktəbinin direktorunun sözlərinə görə, 17 yaşlı qız məktəbi ötən il bitirib. Onun sözlərinə görə, azyaşlının heç vaxt zorakılığın, o cümlədən cinsi zorakılığın qurbanı ola biləcəyini təsəvvür etməyiblər.