İsrailin müdafiə naziri: “Qəzzada döyüşlərin dayandırılması Livanla sərhədə təsir etməyəcək“

"Qəzzada döyüşlərin dayandırılması Livanla sərhədə təsir etməyəcək."

InterPress.ge xəbər verir ki, bu barədə İsrailin müdafiə naziri Yoav Qalant bildirib.

Qalant qeyd edib ki, Qəzzada davam edən İsrail-Həmas müharibəsinin dayandırılması Livanda yerləşən “Hizbullah” qruplaşması ilə döyüşlərə şamil edilməyəcək.
“Əgər Hizbullah düşünürsə ki, cənubda atəşkəs olanda dayanacaq və biz də dayanacağıq, böyük səhv edirlər...
Açıq deyim: biz İsrailin şimalında yaşayanlar üçün təhlükəsizliyin bərpa oluna biləcəyi vəziyyətə çatana qədər dayanmayacağıq. Biz buna [diplomatik] razılaşma və ya hərbi yolla nail olduqda, o zaman sakitləşə biləcəyik”, -Qalant bildirib.