Aİ Rusiyaya qarşı sanksiyaların müddətini uzadıb

Avropa İttifaqı Rusiyaya qarşı sanksiyaların müddətini uzadıb.

InterPress.ge xəbər verir ki, Avropa İttifaqı Şurasının kommünikesində Rusiyaya qarşı tətbiq edilən iqtisadi sanksiyaların 2024-cü il iyulun 31-dək davam edəcəyi bildirilir.

Komünikedə qeyd olunur ki, Aİ Rusiya güc tətbiq etməyə və beynəlxalq hüquq normalarını pozmağa davam edənə qədər tətbiq etdiyi sanksiyaların saxlanmasını zəruri hesab edir.

Xatırladırıq ki, Avropa İttifaqı Rusiyaya qarşı 2014-cü il iyulun 31-də iqtisadi sanksiyalar tətbiq edib. O vaxtdan bəri sanksiyalar altı aydan bir yenilənir.