"Pul kompensasiyası müqabilində sistemdən ayrılan pensiya yaşına çatmış təcrübəçi müəllimlərin bir hissəsi yenidən məktəblərə qayıdıb"

Təhsil və elm nazirinin qərarına əsasən pul kompensasiyası müqabilində sistemdən ayrılan pensiya yaşına çatmış təcrübəçi müəllimlərin bir hissəsi yenidən məktəblərə qayıdıb.

InterPress.ge xəbər verir ki, bu barədə təhsil, elm və gənclər nazirinin ümumi təhsil üzrə müşaviri Qia Murğulia bildirib.

Onun sözlərinə görə, buna səbəb məktəblərin adıçəkilən müəllimləri əvəz edə bilməməsidir.

Onun sözlərinə görə, 5-6 ildən sonra müəllim çatışmazlığı yarana bilər.

 “Arzumuz budur ki, yeni baxışlar bu yeni vəzifələri yaxşı həll edə biləcək müəllimlər tərəfindən qarşılansın, baxmayaraq ki, bu asan və ya qısamüddətli proses olmayacaq. Müəllimlərin orta yaşına baxsanız, 52-53 yaşdır. Təqaüd yaşında olan müəllimlər illər öncə sistemi tərk etsələr də, məktəblər əvəzləyici tapa bilmədiyi üçün onların çoxu geri qayıdıb.  5-6 ildən sonra bir sıra istiqamətlərdə ciddi çatışmazlıqlar ola bilər. Müəllim hazırlığının hazırkı miqyası tam ehtiyaclarımızı ödəməyə kifayət etmir. Mən lobbiçilik etməyə başlayıram ki, Gürcüstana pedaqoji universitet lazım ola bilər – biz bu barədə ciddi düşünməliyik”, - Murğulia bildirib.

Bundan başqa, onun qeyd etdiyinə görə, yeni ümumi təhsil standartı müəllimlər qarşısında da müxtəlif tələblər qoyur.

“Universitetlər müəllim hazırlığı zamanı bu yeni standartları nəzərə almalı və öz təlim proqramlarında əks etdirməlidir. Yeni standart, yeni dərslik ilə, lakin müəllimləri köhnə yanaşma ilə hazırlamağınız düzgün deyil”, - deyə o bildirib.