Gömrükdə bəyan edilməmiş siqaretin ölkəyə gətirilməsinin qarşısı alınıb

“Sadaxlı-Avtomobil” gömrük-keçid məntəqəsində külli miqdarda bəyan edilməmiş siqaretin qanun pozuntusu ilə ölkə sərhədinə gətirilməsi faktının qarşısı alınıb.

InterPress.ge xəbər verir ki, bu barədə Gəlirlər Xidməti məlumat yayıb.

Məlumata görə, əcnəbi vətəndaşın idarə etdiyi avtomobilin xüsusi təşkil olunmuş gizlədilmiş yerindən ümumilikdə 12 800 ədəd bəyan edilməmiş siqaret aşkar edilərək götürülüb. 

Gəlirlər Xidmətindən verilən məlumata görə, iş materialları əlavə cavab verilməsi üçün Maliyyə Nazirliyinin İstintaq Xidmətinə təhvil verilib.