Gürcüstandan ixrac edilən mandarinlərin həcmi 21,4 min ton artıb

2023-cü il sentyabrın 1-dən 2024-cü il yanvarın 16-dək Gürcüstandan dəyəri 23,4 milyon ABŞ dolları olmaqla 36,2 min ton naringi ixrac edilib.

InterPress.ge xəbər verir ki, bu barədə Ətraf Mühitin Mühafizəsi və Kənd Təsərrüfatı Nazirliyinin məlumatında qeyd olunub.

Məlumata görə, ötən ilin müvafiq dövrü ilə müqayisədə ixrac edilən naringilərin həcmi 21,4 min ton (144%), dəyəri isə 15,1 milyon ABŞ dolları (183%) artıb.

İxrac edilən ölkələr: Ukrayna, Belarus, Qazaxıstan, Rusiya, Ermənistan və Azərbaycandır.