Gürcüstan 2023-cü ilin ilk 6 ayı ərzində 47 dəfə Facebook-dan hesablar haqqında məlumat istəyib
2023-cü ildə, ilk 6 ayda Gürcüstan hökuməti Meta-ya 47 dəfə müraciət edib və hesablar haqqında məlumat istəyib.
InterPress.ge xəbər verir ki, söhbət aidiyyəti dövlət qurumlarının Meta-ya müraciət etməsi və Facebook hesabları ilə bağlı məlumat tələb etməsi zamanı konkret araşdırma çərçivəsində tələb olunan məlumatlardan gedir.
Məlumat sorğuları Instagram, Messenger, Oculu və Whatsapp-a da aid edilə bilər. Metanın sözlərinə görə, belə müraciətlərin əksəriyyəti soyğunçuluq və ya adam oğurluğu kimi cinayət işlərinə aiddir.
Meta-nın bildirdiyinə görə, əksər hallarda hökumət sorğuları istifadəçilər haqqında qeydiyyat tarixi, xidmət müddəti kimi əsas məlumatların əldə edilməsinə yönəlib, həmçinin istifadəçinin İP ünvanını və hesab məzmununu axtara bilər.
Meta-nın məlumatına görə, 2023-cü ildə, yanvar-iyun aylarında Gürcüstan hökumətindən 47 müraciət daxil olub. Onların məlumatlarına görə, hökumətin müraciətlərinin 93,62%-i əsasında müəyyən məlumatlar tapılıb.
Bildirilib ki, əvvəlki illərlə müqayisədə 2023-cü ilin ilk 6 ayında Gürcüstan hökumətindən daxil olan müraciətlər artıb. Məsələn, 2022-ci ilin yanvar-iyun aylarında hökumət Meta-ya 27, 2022-ci ilin iyul-dekabr aylarında isə 28 sorğu ilə müraciət edib.
Bundan əlavə, əvvəlki illərlə müqayisədə 2023-cü ilin ilk 6 ayında Meta-nın hökumətin tələbini yerinə yetirmə nisbəti də artıb.
Bundan əlavə, qonşu ölkələrlə müqayisədə Meta Gürcüstan hökumətindən ən çox müraciət alıb. O cümlədən, 2023-cü ilin ilk 6 ayında Ermənistan hökuməti 5, Azərbaycan hökuməti isə 15 sorğu göndərib.
