Yaponiyada baş verən zəlzələ nəticəsində ölənlərin sayı 30-a çatıb

Yaponiyanın İşikava prefekturasında baş verən silsilə zəlzələlər nəticəsində ölənlərin sayı 30-a çatıb.

InterPress.ge xəbər verir ki, bu barədə NHK telekanalı yerli hakimiyyət orqanlarına istinadən məlumat verib.

Ölənlərin əksəriyyəti, 15 nəfər Vacima şəhərindəndir.

Təbii fəlakət nəticəsində onlarla insan xəsarət alıb. Üstəlik, dağılmış binaların dağıntıları altında qalanlar da var.

Dünən Yaponiyanın qərb hissəsində silsilə güclü zəlzələlər baş verib. İşikava və Niiqata prefekturalarında iki saat ərzində 30-a yaxın zəlzələ baş verib ki, onların da ən güclüsü 7,6 bal gücündə olub. Güclü yeraltı təkanlar Osaka, Kioto və Tokioda hiss olunub. Yaponiya Meteorologiya Agentliyinin məlumatına görə, Noto yarımadasının bölgəsində 1885-ci ildən bəri ən güclü zəlzələ baş verib.